Advanced exterior and interior solutions


Nuk e gjeni pyetjen tuaj?

Çfarë është fasada e ventiluar?

Fasadat e ventiluara paraqesin sisteme veshëse të objekteve të cilat ofrojnë një hapësirë në mes panelit të jashtëm dhe pjesës së brendshme (shtresës së izolimit) për të lejuar qarkullimin e ajrit (ventilimin). Duke e veshur me fasadë të ventiluar ju i siguroni objektit tuaj një varg avantazhesh përfshirë ruajtjen e temperaturës dhe parandalimin e lagështisë.

Në cilin vend prodhohen panelat tonë?

Front LLC eshte perfaqesues ekskluziv i disa brendeve, nder te cilat kryesori eshte FUNDERMAX. Panelet Fundermax prodhohen vetem ne Austri dhe jane marka me e njohur ne bote ne fushen e fasades se ventiluar (por edhe ne fushen e interierit). Lexoni me shume per interit… (Link).

Cili është biznesi primar i FRONT?

FRONT LLC bën shitjen e materialeve ekskluzive për eksterier dhe interier. Fundermax është një nga brendet kryesore, të cilën në Kosovë e përfaqëson ekskluzivisht kompania jonë. Front ka veshur me Fundermax Exterior më se 100 objekte në Kosovë në pesë vitet e fundit. Gjatë vitit 2015 kompania jonë ka sjellë edhe linjën Fundermax Interior, që shfrytëzohet për prodhime interieri nga mbi 50 mobileri. Front po ashtu bën shitje të terrakotës, dhe është përfaqësues për Kosovë i prodhuesit turk EKOS.

A ofroni garanci për produktet tuaja?

Po. Front është ndër të vetmet kompani në Kosovë që ofron garanci për produktet që tregton. Në fushën e Fundermax Exterier kompania jonë ofron deri në 30 vite garanci në bazë të çdo kontrate, derisa për Ekoton Terracota, garancia është dhjetëvjeçare.

Çfarë është Fundermax?

Fundermax është kompani gjigante austriake, e cila merret me prodhimin e materialeve me bazë druri. Prodhimi i HPL-kompakt është fokusi kryesor i Fundermax, në të cilën fushë kompania është edhe lider botëror. HPL-kompakt panelet janë materiale me bazë druri, i cili shtypet në presion të lartë dhe pasurohet me përbërës të ndryshëm që i japin qëndrueshmëri. Kompakt panelet janë materiale shumë të qëndrueshme në kushte ekstreme (lagështi, nxehtësi, goditje), ndërsa vijnë edhe me shumëllojshmëri dekoresh (ngjyrash).

Çfarë është terrakota?

Terrakota është material i prodhuar nga dheu (argjile), që gjen aplikime të ndryshme në ndërtimtari. Kompania FRONT sjell në Kosovë terakotën Ekoton, e cila përdoret për të veshur objektet me fasadë të ventiluar. Terakota ka qëndrueshmëri të lartë ndaj kushteve atmosferike dhe ofron pothuajse të gjitha avantazhet e fasadës së ventiluar.

Terakota apo hpl-kompakt panelet?

Edhe terakota e edhe kompakt-panelet Fundermax ofrojnë zgjidhje të avancuar për fasadën tuaj, siç është rritja e qëndrueshmërisë objektit ndaj kushteve të ndryshme klimatike, ulja e lagështisë brenda objektit, si dhe një pamje shumë më moderne krahasuar me fasadat tradicionale.

Por, të dyja këto sisteme të fasadës së ventiluar kanë edhe avantazhet e tyre ndaj njëra tjetrës. Terakota Ekoton është një zgjidhje më ekonomike, pasi është dukshëm më e lirë në çmim krahasuar me kompaktin Fundermax. Në anën tjetër Fundermax fundit paraqet një zgjidhje më natyrale, por edhe më moderne, si dhe ofron shumëllojshmëri dekoresh dhe mundësi prerje dhe kombinimi formash të ndryshme në fasadën e objektit tuaj.

Çfarë avantazhesh ka fasada e ventiluar?

Fasada e ventiluar, e punuar me Fundermax, i jep një pamje dhe strukturë tjetër objektit, por edhe qëndrueshmëri dhe jetëgjatësi. Ndër avantazhet e fasadës së ventilaur janë edhe: freski gjatë verës, ngrohtësi gjatë dimrit, eliminim i lagështisë së brendshme, ulje e harxhimeve energjetike, mbrojtje e ambientit, si dhe pamje moderne e shtëpisë/objektit tuaj.

A bën Front edhe instalimin e fasadës?

Po, FRONT ka grupe të vetat (nënkontraktore por edhe kompani partnere) të specializuara për të kryer instalimin e fasadës së ventiluar. Na konaktoni për më shumë detaje.

Çfarë mund te punohet me produktet tona në EKSTERIER?

Në EKSTERIER produktet tona aplikohen më së shumti për veshjen e fasadës së objekteve. Por ato mund të përdoren edhe për të prodhuar edhe dyer garazhash, rrethoja oboresh, shpajza (deponi) të jashtme, terraca, veshje ballkonesh dhe shumë të tjera, duke kombinuar ngjyrat dhe format.

Çfarë mund të punohet me produktet tona në INTERIER?

Në INTERIER produktet tona shërbejnë për të prodhuar orendi të ndryshme dhe të cilat mund të vendosen edhe në vendet më të ndjeshme, ku ka lagështi apo ndryshime të temperaturave. Fundermax mund të përdoret si pult (tavolinë pune) në kuzhinën tuaj, për të ndërtuar tavolina ditore, për të veshur murret e brendshme të shtëpisë apo hapësirës publike, si bazë për lavamanë, për të prodhuar dollape për banjën tuaj, për ndarje të banjove publike, për të ndërtuar terraca apo edhe lodra fëmijësh…

Sa janë çmimet e Fundermax ose terakotës?

Front ka çmimore të hapur për produktet që shet, të cilën do ta merrni vetëm në formë të shtypur në zyret tona në magjistralen Prishtinë-Fushë Kosovë. Çmimet e produkteve tona dallojnë në varësi të llojit të produktit (eksterier apo interier), trashësisë , ngjyrës, si dhe në bazë të sasisë për të cilën klienti është i interesuar. Na vizitoni për të marrë një ofertë të saktë për kërkesën tuaj.

A prodhon Front kuzhina apo orendi?

Jo, FRONT nuk është prodhues i produkteve të interierit. Ne bëjmë vetëm shitjen e materialeve për interier apo eksterier.

Çfarë shërbimesh përveç shitjesh kryen Front?

Në fushën e eksterierit FRONT mund po ashtu të bëjë prerjen e paneleve, si dhe instalimin e tyre në objektin tuaj. Në Interier, kompanitë blerëse mund të kryejnë shërbime të caktuara në depon tonë, si prerje të paneleve në dimenzionet e tyre për bartje më të lehtë.

Cila është sasia minimale/maksimale që mund të blejë klienti?

Nuk ka limit as në sasinë dhe as në atë maksimale që mund të blihet. Në fakt minimumi i blerjes është një panel, të cilët vijnë me dimenzione të caktuara (2.80 m x 1.30 m; 2.80 m x 1.85 m; 4.1 m x 1.3 m; 4.1 m x 1.85 m).

Cilat janë trashësitë dhe dimensionet e panelave?

HPL-kompakt panelet Fundermax mund të prodhohen në trashësi të ndryshme, nga 2 mm deri në 20 mm. Në fushën e eksterierit preferohet trashësia 6 mm ose 8 mm, ndërsa në fushën e interierit 10 mm ose 12 mm.
Fundermax prodhon katër lloj dimenzionesh të paneleve (2.80 m x 1.30 m; 2.80 m x 1.85 m; 4.1 m x 1.3 m; 4.1 m x 1.85 m). Në eksterier, ekziston mundësia e porosisë së cilido prej tyre, që më së shumti varet nga projekti juaj dhe shfrytzueshmëria e paneleve në bazë të optimizimit.
Dimenzioni i interierit të cilën e mbajmë në stok është standard 4.1×1.3 (5.33 metër katror dhe trashësi 10 mm). Ky dimenzion është më i shfrytëzueshëm për punëtoritë, pasi nga ai në shumicën e rasteve nxirren saktësisht dy tavolina pune (pulta kuzhine), duke lënë po thuajse aspak firo (material të pashfrytëzueshëm).

Cilat ngjyra për eksterier dhe për interier gjenden në stok?

Nga panelet e dedikuara për aplikim në interier, Front ka në stok mbi 25 ngjyra, të cilat mund t’i shihni duke klikuar këtu. Në fushën e eksterierit, aktualisht mbajmë sasi dhe numër të kufizuar të ngjyrave, të cilat mund t’i shihni vetëm duke na vizituar në depo. Prandaj në projektet e eksterierit është e nevojshme që panalet të bëhen me porosi një kohë të caktuar para fillimit të realizimit të punës.

Sa kohë zgjat ardhja e porosisë së veçantë?

Front ka ngarkesa furnizuese çdo muaj, por duke qenë se panelet në përgjithësi prodhohen vetëm sipas porosisë, ajo mund të vonohet një kohë. Andaj nga porosia deri te marrja e kërkesës (duke përfshirë prodhimin dhe transportin), mund të kalojnë nga tre deri në pesë javë.

Cilat janë ngjyrat të cilat mund të porositen?

.Për Fundermax Interier, disa nga ngjyrat më të mira janë aktualisht në stok në depon tonë. Për të parë ngjyrat tjera nga fusha e interierit të cilat mund të vijnë vetëm sipas porosisë, klikoni këtu dhe zgjidhni numrin e kodin.
Për Fundermax Exterier, ngjyrat të cilat prodhohen dhe mund të importohen në Kosovë i gjeni në këtë vegzë.
Sa i takon terakotës Ekoton, ngjyrat e saj mund t’i gjeni në këtë vegzë.